Jealsa, entidade con presenza no sector da alimentación a nivel internacional cuxa actividade se centra no deseño e fabricación de conservas e produtos da pesca e a acuicultura así como no deseño, elaboración, envasado e almacenado de produtos conxelados da pesca e a acuicultura, é consciente de que os factores esenciais e fundamentais para o seu funcionamento como empresa, é a calidade dos produtos e servizos facilitados aos seus clientes e a preservación do medio natural, motivo polo cal dirixe os seus esforzos para contar con:

• Persoal tecnicamente competente, responsable, convenientemente cualificado e adestrado, para o desenvolvemento das súas actividades.
• Medios materiais (maquinaria, equipos, informática e telecomunicacións) adecuados en todos os procesos de fabricación e prevención da contaminación.
• Credibilidade, reputación e honestidade.

A tal fin, propoñémonos funcionar cun sistema de Xestión conforme ás Norma ISO 9001, BRC, IFS e ISO 14001, cuxo deseño e implantación asegura a conformidade dos servizos coas esixencias do mercado, a mellora continua das prestacións de todas as partes interesadas así como do cumprimento dos requisitos legais e regulamentarios que nos afecten. En definitiva, comprometémonos para co cliente e o medio ambiente a:

• Detectar as súas necesidades.
• Xestionar adecuadamente os pedidos solicitados.
• Comprar as materias primas adecuadas ao produto que esixe.
• Fabricar os produtos atendendo aos requisitos tanto legais como propios, garantindo a seguridade do alimento, a calidade e a autenticidade.
• Fomentar a cultura dentro da organización para poder cumprir cos principios básicos e estratéxicos de comportamento: seguridade, calidade e medio ambiente, servizo, prezo e beneficio.
• Expedición e entrega a tempo.
• Atender as reclamacións e suxerencias.
• Medición do grao de satisfacción.
• Revisión do noso sistema.
• Fixación de obxectivos de calidade e medio ambiente.
• Previr os impactos ambientais negativos á contorna.
• Establecer as canles de comunicación medio ambientais necesarios.

Ademais convencidos da necesidade de preservar o medio natural, xestionamos o risco no contexto da nosa organización co fin de previr a contaminación segundo a natureza, magnitude e impactos ambientais que xera a nosa actividade e por tanto, o establecemento das pautas necesarias para a mellora continua da xestión por procesos en todas as súas actividades, tanto ambientais como de calidade para control e a xestión dos riscos asociados tomando as accións oportunas para satisfacer a adquisición das competencias de todas as partes interesadas, establecendo as canles de comunicación necesarios acordes coa súa participación no alcance do noso Sistema de Xestión.

Dentro do marco desta política, corresponde ao Presidente da Compañía a aprobación dos obxectivos cualitativos e cuantitativos en Materia de Calidade e Medio Ambiente.